Minggu, 22 Oktober 2017

PENCARIAN DATA

CONTOH SERAGAM MAMRE

PENGUNJUNG

000414170

GALERI FOTO

In order to view this object you need Flash Player 9+ support!

Get Adobe Flash player
Joomla! Slideshow

BPP Mamre GBKP

Rapat Pengurus Pusat Lengkap Mamre GBKP

RAPAT PENGURUS PUSAT LENGKAP MAMRE GBKP

Oleh : Pt. Ir. Mulia Barus, M.Si Ketua Umum Mamre GBKP

 

Ibas wari Jumat 29 Agustus 2014 ciger,  enggo mulai rehen peserta RPPL (Rapat Pengurus Lengkap)  Mamre se GBKP ku ingan RPPL sienggo ibooking BPP Mamre  eme Villa Khalusska Megamendung Ciawi Jawa Barat. Khalusska enda ngingetken sada perjuman i Batukarang. Pemilik Villa enda eme Ramli Bangun Batu Karang nari.  Enda me waktu RPPL sindekahna eme 3 berngi 4 wari (29 Agustus seh 1 September 2014).

Hadir ibas RPPL enda  Moderamen GBKP eme Ketua Bidang Persekutuan Pdt. Erick Barus, D.Th. Kebaktin pembukaan ibabai Moderamen jenari iumputi kata sambuten. Persidangen ilakoken berngi terus ku pagina.  Thema : Bapa Kalak Sierkiniteken (Kejadin 17:5)

Ibas RPPL enda isehken laporen pertangungjawaben pendahin BPP Mamre sada tahun (Agustus 2013 seh Juli 2014) sekaligus isahken  program kerja 2015. Ibas RPPL enda pe icakapken persiapen kubas MUPEL V Mamre GBKP guna memilih pengurus pusat Mamre GBKP periode 2015-2019  sinilaksanaken ibas Bulan Agustus 2015  i Retreat Center Sukamakmur  sibakal ihadiri sekitar 700 kalak utusen Mamre Runggun, Klasis ras BPP Mamre bagepe utusen sebagai peninjau.

Ibas wari sabtu,  Dr. Ir. Baba Barus, M.Sc Dosen IPB Bogor  mereken ceramah Pengembangen Sumberdaya Lokal. Sebagai moderator eme Pt. Ir. Mulia Barus, M.Si. Enda ilakoken sue ras  prioritas Program GBKP tahun 2014 eme  Peningkaten Kuantitas SDM si  Berkualitas. Mamre GBKP  enggo  meningkatken frekwensi kunjungan ku Mamre Runggun  alu mereken ceramah, seminar dan pelatihan ibas  rangka pemberdayaan ekonomi jemaat.    Ibas  kesempaten RPPL enda, guna meningkatken kuantitas SDM siberkualitas, Pengurus Mamre Pusat bagepe Pengurus Mamre Klasis  enggo ka ibekali  Dr. Ir. Baba Barus, M.Sc Ketua Departemen Ilmu Tanah ras Sumberdaya Lahan Fakultas Pertanian IPB Bogor ibas pencerahan/ide-ide pengembangan sumberdaya lokal. Kuga memanfaatken sumberdaya si lit isekitarta ibas bidang pertanian, industri ras pariwisata. Pertanian Taneh Karo misalna, adi sidekah enda kita bergerak ibas on farm (budidaya) kedepan sitingkatken ke off farm (pasca panen)  guna meningkatken nilai tambah. Sidekah enda nilai tambah inikmati kalak sideban/daerah sideban. Keunggulen komparatif si lit bas kita siimbangi alu keunggulen kompetitif guna meningkatken daya saingta terlebih ibas merebut pasar global.

Panitia Natal Mamre Sinodal pe ikut hadir ibas RPPL enda eme Ketua Umum : Pt.   Edy Suranta Bukit Runggun Polonia idampingi piga-piga panitia. Panitia enda enggo maparken programna maka natal mamre sinodal enda ilaksanaken ibas wari Sabtu, 27 Desember 2014 i Pardede Hall Medan. Iperkiraken Mamre GBKP alu seragam beka buluhna  hadir 4000 kalak. Ope puncak acara ilakoken kegiaten pra Natal berupa pawai keliling kota Medan ibas tanggal  13 Desember 2014  bagepe ras aksi natal. Ibas natal enda ilaksanaken sayembara Koor 22 klasis.

Ibas RPPL enda pe enggo idatken sada komitmen sebagai kepedulian Mamre nandangi rumah-rumah pengungsi erupsi Deleng Sinabung sienggo ceda,  maka peserta RPPL simerupaken perwakilen klasis-klasis  enggo sepakat gelah kerina Mamre GBKP  ikut muat bagin ibas “GERAKEN SELEMBAR SENG”.  Man banta Mamre belang-belang GBKP aminna pe sedekah enda kita nggo muat bagin nandangi pengungsi, mari sicidakken tole kepedulinta sue ras motto mamre : Mamre Erdiate, Mamre Erpemere, Motto enda ola terjeng statemen si ibelasken saja rusur  tapi teridah aksina   ibas kegeluhen si teptep wari.

Ibas RPPL enda irayaken HUT Mamre GBKP si pe 19 ken  bagepe  erban kegiaten Wisata ku Taman Safari Cisarua Bogor. Ibas wari Senin kerina Mamre mulih ku kutana, lit deba singgah ka ku rumah kade-kade.  Salam mejuah-juah jumpa ras keluarga.

 

Mejuah-juah Mamre, SELAMAT ULANG TAHUN PE 19 KEN

Rirang-rirang gumpari urat tuba pesawen-sawen,

di sirang gia kita gundari  gelahna jumpa ula melawen.

 

 

KALENDAR

October 2017
MonTueWedThuFriSatSun
1
2345678
9101112131415
16171819202122
23242526272829
3031

KETUA UMUM

SEKRETARIS UMUM

BENDAHARA UMUM

SEKRETARIAT